NG Doornpoort_KorporatieweKerk

'n Belangrike aspek van Doornpoortgemeente se identiteit om in ag te neem is die effek van die groei in die gemeente se lidmaattal daarop. Soos wat gemeentes groter word verander hulle karakter en identiteit noodgedwonge. Dit is doodgewoon onmoontlik om die karakter van 'n klein gemeente, waarin almal mekaar ken, te dupliseer in 'n gemeente met meer as 'n 1000 lidmate. Praktiese teoloë soos Alice Mann maak in die verband ‘n onderskeid tussen sogenaamde familiekerke (50 lidmate - in die Suid-Afrikaanse konteks dui die getalle op erediensbywoning en nie net op die aantal lidmate nie), pastor kerke (50-150 lidmate), program kerke (150-350 lidmate) en korporatiewe kerke (350+ lidmate) ten einde die verskillende in hulle identiteit en karakter te verduidelik.

• Familiegrootegemeentes – Almal ken vir almal. Baie natuurlike families. Beskik gewoonlik oor 'n deeltydse leraar maar nie 'n eie kerkgebou nie.
• Pastorgrootegemeente – Het een leraar wat almal ken en 'n eie kerkgebou met 'n intieme karakter.
• Programgrootegemeentes - Beskik oor 'n groot kerk en het baie bedieninge met twee of meer leraars wat die program bestuur. Matige spesialisasie kom onder die leraars voor en daar is gewoonlik 'n groot kerkraad wat voorgaan.

• Korporatiewe gemeentes – Groot kompleks, baie leraars en personeel met diverse bedieninge.

Hiervolgens is Doornpoort 'n korporatiewe kerk. 'n Korporatiewe kerk funksioneer nie meer omdat 'n paar gemeentelede daarin voorgaan nie (familiekerk), of omdat die dominee gereelde huisbesoek doen en alles in die gemeente reël nie (Pastor kerk), of omdat daar baie bedieninge bestaan nie (program kerk).

·	Dit bestaan omdat mense hulle aan Jesus Christus verbind en hulle lewe aan Hom toewy.

·	Lidmate is naamlik eerder aan Jesus, as aan persone of die gemeente self verbind.

·	Daarom werk hierdie kerkstyl met beïnvloeding eerder as outokrasie.