NG Doornpoort_GeestelikePraktyke

Kopiereg © NG Gemeente Doornpoort 2007
Kontak Ons: (012) 547 1456 skriba-ngd@lantic.net
Webmeester

Danksy die gemeente se deelname aan die vennootskap vir gestuurde gemeentes het die gemeente drie praktyke ontdek waardeur die gemeente haar gestuurdheid in gehoorsaamheid aan die Here uitleef.

Die eerste praktyk wat die gemeente uitleef is 'n diep afhanklikheid van die leiding deur die Heilige Gees. As gemeente bely ons ons afhanklikheid van die Heilige Gees. "Die krag wat alles oortref, kom dus van God, nie van ons nie." (2 Kor. 4:7b.)

Die tweede praktyk is die aanbidding van die Here deur die gemeente waardeur ons met vreugde en dankbaarheid God se teenwoordigheid en beloofde toekoms vier. Voortvloeiend uit dié aanbidding, het die gemeente 'n kragtige getuienis. "Ons verkondig nie onsself nie, maar Jesus Christus as die Here. God wat gesê het: 'Laat daar lig skyn uit die duisternis,' het ook in ons harte 'n lig laat skyn om ons te verlig met die kennis van die heerlikheid van God, wat van Jesus Christus uitstraal." (2 Kor. 4:5-6.)

Die derde praktyk was die bereidwilligheid van die gemeente om risiko's te neem as 'n kontrasgemeenskap ter wille van die evangelie. Die gemeente verstaan haarself as anders as die wêreld, as gevolg van haar deelname in die lewe, sterwe en opstanding van haar Here. Dit skep vrae, dikwels bedreigende vrae, oor die kerk se kulturele gevangenskap, en dit worstel met die etiese en strukturele implikasies van haar gestuurde roeping. "Hulle is die ongelowiges wie se verstand deur die god van hierdie wêreld verblind is . . . In alles word ons verdruk . . . maar nie vernietig nie." (2 Kor. 4:3-4, 8-9.)

Vir meer inligting ivm “Die vennootskap vir gestuurde gemeentes”, besoek www.missionalchurches.org.za