NG Doornpoort_Gebedsbediening

Labirint

Die Labirint by die gemeente kan as ’n gebedsoefening gebruik word om in te gaan in die Labirint en met God te praat, om te vra en te pleit vir Sy teenwoordigheid en seën. Wanneer jy die kern bereik het gaan sit plat op die gruisklippe. Raak stil en luister. ’n Inligtingstuk oor hoe om die Labirint te gebruik is by die inligtingstafel in die teetuin beskikbaar.

Kapel en Gebedskamer

Reël gerus met die Koster indien jy die lokaal vir ’n saambid geleentheid wil gebruik. Die lokaal kan ook gehuur word – kontak die Koster in die verband.

1. Sonder jouself af... sorg dat jou foon en niemand anders jou sal pla nie.

2. Moenie haastig wees nie – ons praat nie hier in-die-verbygang met God nie.

3. Raak eers rustig – deur baie diep asem te haal en stadig uit te blaas.

4. Fokus op wat jy binne in jou voel, dit help as jy dit neerskryf.

5. Raak bewus van die Here se lewende teenwoordigheid.

6. Sê vir Hom jy wil graag nou regtig net vir Hom ervaar.(Soms voel dit of ’n mens nie regtig kan afskakel nie. Onthou, dis ook ’n proses om dit aan te leer, maar JY MOET JOUSELF GEE VIR DIE OOMBLIK. Wees m.a.w. beskikbaar.)

7. Onthou, gebed is meer om na God te luister, as wat Hy na ons moet luister.

8. Lees ’n Psalm – verkieslik korter as langer.

9. Dink na

10. Praat met God

11. Ontvang sy vrede

Dit gaan baie sleg met baie mense in ons midde – van siekte, tot verhoudings en finansies.

Die Here roep ons in sy Woord om sy Naam aan te roep en genesing te ontvang.

Dit is werklik lewensnoodsaaklik dat ons as gemeente sy aangesig soek.

Gee gebedsversoeke deur: klik hier

Waag dit verder met jou rus in die teenwoordigheid van die Here

Dit gebeur met ons dat ons soms voel ons sit met net ’n versoeklys by die Here, soms raak ons self verveeld met al die versoeke. Waag dit verder met jou rus in die teenwoordigheid van die Here. Dit is vir ons gegee om die Here te ervaar wanneer ons op Hom fokus.